लेटाङ ,१८ फागुन । राष्ट्रिय भुमि आयोगका अध्यक्ष केशव निरौलाले  मङ्गलबार लेटाङमा भुमिहिन दलित ,भुमिहीन सुकुम्बासी र अब्यबस्थित बसोवासी स्थानीय सेवा केन्द्रको उद्घाटन गर्नु भएको छ । 

कार्यलयको उद्घाटन गर्दै आयोग अध्यक्ष निरौलाले सरकार भुमिहीन दलित,भुमिहीन सुकुम्बासी र अब्यबस्थित बसोवासीलाई जग्गा धनी बनाउने यो नै अन्तिम आयोग भएको बताउनु भयो । समस्या केन्द्रीत भएर सबै दलका प्रतिनिधिले सहयोग गरे भुमिहीन सम्बन्धि समस्या समाधान गर्न सकिने बताउँदै उहाँले राजनीति भन्दा माथि उठेर काम गर्न आब्हान गर्नुभयो । निरौलाले सुकुम्बासीका समस्यालाई चुनाबी भोटको रुपमा प्रयोग नगर्न दलका नेताहरूसँग आग्रह गर्नुभयो । भुमि आयोगका मोरङ अध्यक्ष सुशीला घिमिरेले लेटाङमा रहेको समस्या अन्य पालिकामा भएको भन्दा फरक देखिएकोले यो समस्या समाधानका नयाँ कार्यबिधि बनाएर भए पनि अघि बढ्ने बताउनुभयो ।

लेटाङ नगरपालिकाका नगर प्रमुख शङ्कर राईले २०२४ साल देखि लेटाङ नगरको मुख्य बजार नै कानुनी रुपमा अब्यबस्थित रहेको बताउनुभयो ।राईले साढे ३ दशक देखिको समस्या स्थायी रुपमा समाधान गर्न नगरपालिकाले सबैखाले सहयोग गर्ने बताउनु भयो । एउटै जमिनको दुईवटा नक्शा भएकोले त्यो जग्गालाई नयाँ नापजाँच गरि कायम गरिदिन नगर प्रमुख राईले आग्रह गर्नुभयो । २०२८ सालमा कायम भएको लेटाङ२(ङ )को ३५ विगाहा जमिन पुरै अब्यवस्थित भएको बताउँदै नेपाली कांग्रेस लेटाङका उप सभापति मदन भट्टराईले त्यहि जमिनलाई २०५५ सालमा  अर्को नक्शा बनाएर थप समस्या उत्पन्न भएको उल्लेख गर्नुभयो । मोरङका प्रमुख नापी अधिकृत मणि रेग्मीले यो समस्या समाधान गर्न नयाँ कार्य विधि निर्माणका लागि राष्ट्रिय भुमि आयोगलाई सिफारिस गर्ने बताउनुभयो ।

लेटाङका पुर्व प्रधानपञ्च नीरबिक्रम किराँतीले चिसाङ खोला पीडितलाई २०२२ सालमा स्थानान्तरण गरि बसोवास गराइएको लेटाङ बजार ५६ वर्ष सम्म समाधान हुन नसकेको प्रति दुख ब्यक्त गर्नुभयो ।

लेटाङ नगरपालिकाका प्रमुख प्रशासकीय अधिकृत अच्युतप्रसाद दाहालले नगरमा अघिल्लो आयोगले १७३ भुमिहीन दलित,५३८ भुमिहीन सुकुम्बासी र ३४३९अब्यबस्थित बसोवासी रहेको तथ्यांक तयार गरेको बताउनुभयो ।ती मध्ये नयाँ आयोग गठन भएपछि ४० भुमिहीन दलित ,२१० भुमिहीन सुकुम्बासी र ३२७ अब्यवस्थित बसोवासी ले प्रविष्ट गरिसकेको बताउनुभयो ।४ हजार १५० मध्ये ५७७ ले नयाँ प्रविष्ट गरिसकेको र प्रविष्टहुने क्रमजारी रहेको बताउनुभयो ।

पूर्णप्रसाद मिश्र

काठमाडौँ, १७ फागुन । प्रत्येक वर्ष फागुन कृष्ण चतुर्दशी मध्यरातमा परेका दिन मनाइने महाशिवरात्रि पर्व आराध्यदेव भगवान् शिवको पूजा–आराधना गरी आज देशभर मनाइँदैछ । पर ब्रह्मले फागुन कृष्ण चतुर्दशीका दिन मध्यरातमा शिवरुप धारण गरेकाले मध्यरातमा चतुर्दशी तिथि परेकै दिन पूजा, आराधना, दर्शन गरे यस लोकमा सुख शान्ति र परलोकमा सद्गति प्राप्त हुने शास्त्रीय वचन रहेको विश्वास गरिन्छ ।

वैदिक सनातन हिन्दू धर्मावलम्बीहरू आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्दछन् । शिवजी उत्पत्ति हुनुभएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराणलगायत ग्रन्थमा उल्लेखित छ ।

फागुन कृष्ण चतुर्दशीका दिन मनाइने यस पर्वलाई दीनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउने आशुतोष भगवान् शिवको अति प्यारो दिनका रूपमा पनि लिइन्छ । माघ महिनामा महादेवको रुद्रत्व अर्थात् जगत्लाई रुवाउने वा संहार गर्ने तत्वले गर्दा पत्रविहीन भई जीर्ण भइरहेका रुख, बिरुवा तथा झारहरू उनै महादेवको शिवत्व ९जगत्को कल्याण गर्ने तत्व०ले गर्दा फागुनमा पलाउन थाल्ने हुनाले शिवरात्रि मनाउने गरिएको हो भन्ने भनाइ छ ।

व्रतमध्ये सर्वोत्तम कहलिएको महाशिवरात्रिका दिन आज भक्तजनले शुद्ध भई शिवमन्दिरमा पूजा–अर्चना गरी व्रत बस्ने र भगवान् शिवको प्रिय वस्तु दूध, धतुरो र बेलपत्र चढाउने गर्छन् । यस पर्वका दिन उपवास गरी रातभर जाग्राम बसे सर्वसिद्धि लाभ भई यमलोक जानु नपर्ने धार्मिक विश्वास छ । आजको दिन भगवान् महादेवलाई जाडो हुने जनविश्वासले प्रत्येक घर, चोक र मठमन्दिरमा दाउरा मागेर धुनी जगाई भजनकीर्तनका साथ सोही आगोमा प्रसाद बनाई ग्रहण गरिन्छ ।

राष्ट्रिय सांस्कृतिक पर्वका रूपमा रहेको यो दिन आज पशुपतिनाथमा रातको चार प्रहरमा चार प्रकारका पूजाका अतिरिक्त महादीप, अखण्डदीप, लक्ष्यबत्ती तथा दीपोत्सवका साथै लाख बेलपत्र अर्पण गरिन्छ । कैलाशकुट र किराँतेश्वरका सङ्गीत आश्रममा शास्त्रीय नाचगान गरिन्छ । भगवान् श्री महादेवको दर्शन गर्न र शिवरात्रि पर्वको मेला भर्न आज देशभरका विभिन्न भागलगायत छिमेकी राष्ट्र भारतका तीर्थयात्रीको पशुपतिनाथ मन्दिरमा घुइँचो लाग्छ ।

यसैबीच पशुपति क्षेत्रमा मेला भर्न आउने भक्तजनहरूको सुविधाका लागि यस वर्ष विशेष प्रबन्ध मिलाइएको कोषका सदस्य सचिव डा मिलनकुमार थापाले बताउनुभयो । चार वर्ष अघिदेखि नै पशुपतिमा गाँजा, भाङ, धतुरोलगायत लागुपदार्थ निषेध गरिएको थियो । यस वर्ष पनि त्यसलाई निरन्तरता दिइएको छ । यस्ता पदार्थ सेवन, बेचबिखन गरेको पाइएमा प्रहरीले पक्राउ कारबाही गर्ने उहाँले बताउनुभयो ।

बिहान ३ बजे नै पशुपतिका चार ढोका खुल्ने

महाशिवरात्रिका अवसरमा आज बिहान ३ बजेदेखि नै पशुपतिका चार ढोका खोलिने कोषले जनाएको छ । यस वर्ष १० लाखभन्दा बढी दर्शनार्थीले महाशिवरात्रिका दिनमात्र पशुपति दर्शन गर्न सक्ने गरी व्यवस्थापन गरिएको छ । यस वर्षको महाशिवरात्रिमा मन्दिर परिसर साजसजावटमा विशेष ध्यान दिइएको छ । पशुपति क्षेत्र वरपर झिलीमिली बनाइएको छ । नेपाललगायत विदेशबाट समेत फूलमाला ल्याएर मन्दिर सजावट गरिएको छ ।

यस वर्ष महाशिवरात्रिका अवसरमा पशुपतिमा दर्शनका लागि पाँचवटा लाइनको व्यवस्था गरिएको पशुपति क्षेत्र विकास कोषले जनाएको छ । मित्रपार्क तथा गौरीघाट भएर उमाकुण्ड–दक्षिणामूर्ति हुँदै रूद्रगाडेश्वर उत्तरढोका, जयवागेश्वरी–इँटापाखा भएर भुवनेश्वरीस्थित फलामको सानो ढोका हुँदै पश्चिम ढोका, बत्तीसपुतली–गौशाला तथा एयरपोर्ट–तिलगङ्गा भएर पिङ्गलास्थान–सुमार्गी भवन हुँदै चार शिवालय–पञ्चदेवल दक्षिण ढोकाबाट एक–एक लाम गरी बाहिरीरूपमा दर्शन गर्ने व्यवस्था मिलाइएको सदस्यसचिव थापाले राससलाई जानकारी दिनुभयो ।

यसैगरी तिलगङ्गा राममन्दिरतर्फसमेत आवश्यकतानुसार एक लामको व्यवस्था गर्न सकिने गरी व्यवस्थापन मिलाउन लागिएको उहाँले बताउनुभयो । नित्य दर्शनार्थीका लागि बिहान ७ बजेअगावै भुवनेश्वरीस्थित फलामको सानो ढोकाबाट प्रवेशको व्यवस्था मिलाइएको छ । जुन दर्शनमार्गबाट मन्दिर प्राङ्गण प्रवेश गरिन्छ सोहीमार्ग हुँदै मन्दिर प्राङगणबाट बाहिरिने व्यवस्था मिलाइएको छ ।

दर्शन गर्न आउने दर्शनार्थीको सवारी पार्किङका लागि सिफल, तिलगङ्गा, गुह्येश्वरीपारि, कोषको कार्यालय, वनकालीलगायत स्थानमा व्यवस्था मिलाइएको छ । आज पशुपतिनाथसँगै उपत्यकाका गोकर्णेश्र, डोलेश्वरलगायत शिव मन्दिरमा पनि भक्तजनको भीड लाग्छ । यसैगरी राजधानी बाहिरका शिव मन्दिरमा पनि धुमधामका साथ पूजा आराधना एवं दर्शन गर्ने भक्तजनको घुइँचो लाग्ने गरेको छ ।

लेटाङ, २५ माघ । सुकुम्वासी तथा अब्यवस्थित बसोवास लाई ब्यवस्थित गर्नका लागि लेटाङ नगरपालिकाले राष्ट्रिय भुमी आयोग संग सम्झौता गरेको छ ।

आज नगरप्रमुख शंकर राईले आयोगका अध्यक्ष केशव निरौला संग जग्गा धनिपुर्जा वितरणका लागि सम्झौता पत्रमा हस्ताक्षर गर्नुभयो ।

लेटाङको भुमि सम्बन्धी समस्या अव समाधान हुने संकेत देखिएको छ । बर्षौ देखि अव्यवस्थित जग्गाको समस्या वाट लेटाङका स्थानियहरु समस्यामा रहेका थिए ।

अव भने यो समस्या समाधान तर्फ हिडेको छ । लेटाङमा अव्यवस्थित बसोवास तथा सुकुम्वासीको संख्या धेरै छ ।

मंगलबार त्रिभुवन बिश्वबिद्धालयको ४७ औ दिक्षान्त समारोहमा लेटाङ ६ स्थायी घर रहनुभएका लिम्बु दिक्षित हुनुभएको हो ।

लिम्बुले ५० बर्ष पार गरेपछी पुन औपचारिक अध्ययन सुरु गर्नुभएको थियो । पढ्नलाई उमेरले छेक्दैन भन्ने अठोटका साथ लिम्बुले कक्षा ११ देखि अध्ययन सुरु गर्नुभएको हो । ११ कक्षा देखिनै निरन्तर उतिर्ण हुँदै लिम्बुले गत बर्ष मास्टर डिग्री हासिल गर्नुभएको हो ।

एसएलसी उतिर्ण गरेपछी लिम्बुले लेटाङकै शान्तिभगवती माबिमा पढाउन थाल्नु भयो । केही बर्ष पढाएपछि समाज बदल्न राजनिती मुल कुरा रहेको निश्कर्ष निकाल्दै राजनितीमा होमिनुभएका लिम्बुले अध्ययनलाई निरन्तरता दिन सक्नुभएन । पढाईको महत्व बुझे पनि परिस्थितिले कलेज जान सक्ने अवस्था रहेन । संविधान सभाको सदस्य भएपछी पढाइ बिनाको राजनिती समेत अपुर्ण हुने रहेछ भन्ने सोचेर ११ कक्षामा भर्ना हुनुभयो । काठमान्डौको वाट  प्लसटु र  स्नातक पूरा गर्नुभएका लिम्बुले मास्टर डिग्री भने स्नातकोत्तर कलेज बिराटनगरबाट गर्नुभएको हो ।

पढ्ने धोको अझै पूरा नभएको लिम्बुले हामी संगको कुराकानिमा बताउनुभयो । उहाँ पिएचडि गर्ने सोचमा रहनुभएको जानकारी दिनुभयो । नेपाली कांग्रेस  मोरङ जिल्ला सभापतिमा समेत निर्वाचित हुनुभएका लिम्बुले समाज लाई सुसस्कार , विकसित ,
आधुनिक बनाउन समाजका हरेक मानिसले पढ्न आवश्यक रहेको बताउनुहुन्छ ।

विराटनगर , २७ चैत । नेपाल पत्रकार महासंघ मोरङ शाखामा नयाँ नेतृत्व आएको छ । अध्यक्षमा प्रेस युनियन गठबन्धनका शंकर खरेल र प्रेस चौतारीका सञ्जीव खनाल बिच प्रतिस्पर्धा भएको थियो । चौतारी तर्फका उम्मेद्बार खनाल अध्यक्षमा निर्वाचित भएका छन् । बुधबार भएको मत गणनाको अन्तिम नतिजामा प्रेस युनियन र प्रेस सेन्टरको संयुक्त प्यानलका शंकर खरेललाई […]

भोगटेनी, ३ चैत । मोरङ साकोसले लेटाङ १ मा पर्ने भोगटेनी माबिका ६५ जना बिध्यार्थिलाई झोला बितरण गरेको छ ।

सदस्यता बिस्तार तथा झोला बितरण गर्ने कार्यक्रम बनाएर ५ दिन सम्म अभियानका रुपमा संस्थाले कार्यक्रम गरेको थियो ।