मोरङ, २३ जेष्ठ। मोरङको बयरबनमा शनिबार राती बसले ठक्कर दिएर नेपाली सेनाका एक जना पियुठको मृत्यु भएको छ।
श्रीमेहर गण सल्लेरी, धनकुटा ब्यारेकमा कार्यरत पियुठ ईन्द्र बहादुर खडकाको शनिबार सांझ को १ ख २३५५ नम्बरको बसले ठक्कर दिंदा मृत्यु भएको हो। खड्कालाई सांझ साते सात बजेतिर बयरवन ८ स्थित पूर्वपश्चिम राजमार्गमा पैदल हिड्दै गर्दा पूर्वबाट पश्चिमतर्फ जादै बसले ठक्कर दिएको थियो।
बसको ठक्करबाट गम्भीर घाइते खड्काको राती ८ बजे प्राथमिक स्वास्थ्य केन्द्र मंगलबारेमा मृत्यु भएको हो।
बस तथा चालकलाई नियन्त्रणमा लिएको इलाका प्रहरी कार्यालय बेलबारीले जनाएको छ।
