जंगली च्याऊ खाएर मृत्यु भएका परिवारलाई राहात रकम प्रदान

पाँचथर,जेठ ३२,
पाँचथर आङ्ना १ मा जंगली च्याउ खाएर मृत्यु भएका परिवार लाई किराँत याक्थुहाङ चुम्लुङ पेनाङ बाट ६६ हजार ५ सय रुपैया राहात रकम प्रदान गरिएको छ ।
जंगली च्याऊ खाएर त्यस भेगका ५ जनाको ज्यान गएको थियो । मृत्यु भएका परिवारका आफन्त मनिला माङलाकलाई समाजसेवी लावाहाङ चेम्जोङले ६६ हजार ५ सय रुपैया रकम हस्तान्त्ररण गर्नुभएको थियो । पेनाङमा रहनुहुने नेपालीहरु बाट संकलन गरिएको उक्त रकम राहात स्वरुप हस्तान्त्ररण गरिएको चेम्जोङले जानकारी दिनुभयो ।
जंगली च्याऊ खाएर मग्लसिंह माङलाक,पदमकुमारी,मनकुमारी,कविता र सोनी माङलाकको उपचारको क्रममा पूर्वको विभिन्न अस्पतालमा मृत्यु भएको थियो । च्याऊ खाएर मात्रै पाँचथर जिल्लामा आङना,थर्पु र फिदिम नगरपालिकामा गरी अहिले सम्म १० जनाको मृत्यु भइसकेको छ ।