Websoft University
यस आगोपाटी डटकममा कुनै सामाग्री प्रकाशन गर्नुपरेमा हामीलाई सम्पर्क गर्नुहोला । सम्पर्क नंम्बर ९८४२१४५०४५

लागुऔषध प्रयोगकर्ताको अवस्था विकराल

विराटनगर, असार १४ । 
 
मोरङमा लागुऔषध दुव्र्यसनको अवस्था विकराल रुपमा देखिएको छ । 
 
सीमावर्ती जोगवनी बजारबाट अवैध ढङ्गले लागुऔषध भित्रिने गरिएकाले यसको प्रयोगकर्ताको सङ्ख्या बढिरहेको छ । सीमावर्ती भारतीय बजारमा पुगेर कतिपय युवा लागुऔषध प्रयोग गर्ने र बोकेर आउने गर्छन् । यस कार्यमा संलग्नलाई नियन्त्रण गर्नका जिल्ला प्रहरी कार्यालय मोरङले पहिलो प्राथमिकतामा राखेको छ । 
 
जिल्लाको भारतसँग ६३ किमी खुल्ला सिमाना पर्छ । खुल्ला सिमानाको फाइदा उठाएर लागुऔषध प्रयोगकर्ता यस्ता अवैध काममा संलग्न छन् । खासगरी भारतको जोगबनी बजारबाट अधिकांश मात्रामा लागुऔषध भित्रिने गरिएको हो । 
 
विराटनगरका रानी क्षेत्र, बसपार्क लगायत ठाउँमा लागुऔषध नियन्त्रण ब्युरो सक्रिय भएर जुटेको देखिन्छ । प्रायः प्रत्येक दिन लागुऔषधसहित युवा पक्राउमा पर्ने गरेको प्रहरीको तथ्याङ्कबाट प्रस्ट हुन्छ । 
 
प्रहरी उपरीक्षक सन्दीप भण्डारीले लागुऔषध नियन्त्रण कार्यलाई गत फागुनदेखि पहिलो प्राथमिकतामा राखिएको जानकारी गराउनुभयो । फागुनदेखि यही असार १० गतेसम्ममा ७६ मुद्दा दर्ता भई १०३ जनालाई कारबाही गरिएको उहाँले बताउनुभयो । 
 
चालु आवमा जिल्ला प्रहरी कार्यालयले ११९ मुद्दा दर्ता गरी १६४ जनालाई कारबाही गरेको छ । सो अवधिमा करिब १२ हजार लागुऔषधका चक्की र लागुऔषधका रुपमा प्रयोग गर्ने गरिएका करिब ८०० औषधिको सिसी बरामद गरिएको छ । 
 
 
चालु आवमा पक्राउमा परेकामध्येबाटसादा तारेखमा एक, धरौटीमा ४२, पुर्पक्षमा ७८, बालसुधार गृहमा एक र अनुसन्धानमा ३८ जना छन् ।

Post a Comment

Advertisment

Advertisment

MKRdezign

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget