काठमाडौं, १६ साउन । नेपाली गायन क्षेत्रका ‘मेगास्टार’ राजेशपायल राईले गायक सुसन साम्सोहाङको ‘सोल्टीनी’लाई शुभकामना दिएका छन् । सुसनको नविनतम् गीति एल्बम ‘सोल्टीनी’ विमोचन कार्यक्रममा प्रमुख अतिथिका रुपमा उपस्थित भएका ब्याचलर राजेशपायलले भने, ‘सुसनले त बिहे गरिसकेका होलान् तर, मैले गरेको छ्रैन । तैपनि उनको सोल्टीनीलाई धेरै–धेरै शुकामना छ ।
एल्बम लोकार्पणपछि ‘राई इज किङ’ गायक राजेशपायलले भने, ‘सुसन एकदमै राम्रो प्रतिभा भएका गायक हुन् । यो कुरा ‘सोल्टीनी’का गीतहरुले पुष्टि गर्छ ।’
सुसनले तीन वर्षअघि ‘सुसन’ नामक आधुनिक गीति एल्बम ल्याएका थिए । तर, त्यसअघि उनी लिम्बू भाषाका गायनमा चर्चित थिए । लिम्बू भाषा गायनमा आफ्नो छुट्टै पहिचान बनाएका सुसनले आफ्नो दोस्रो आधुनिक एल्बम ‘साल्टेनी’ सार्वजनिक गरेपछि भने, ‘यसअघिको एल्बमलाई खाशै मिडियामा ल्याउन सकिनँ । यसपटक भने सबैको साथ र सहयोगले यहाँहरुसमक्ष उपस्थित भएको छु ।’ कार्यक्रममा सुसनले राजेशपायल, राजु सिंह र सत्यराजलाई ढाका टोपी ओढाइदिएर सम्मान गरेका थिए ।
सुसनको ‘सोल्टीनी’ लाई रुबुशा क्रियटिभ वर्कस्ले बजारमा ल्याएको हो, जसमा विभिन्न शैलीमा पाँच गीत छन् । विशेषगरी पुर्वेली लोक तथा आधुनिक भाका समेटिएको ‘सोल्टीनी’ मा समावेश गीतको रचना नरेश भट्टराईले गरेका हुन् । त्यस्तै एल्बममा गाँसौला आज बोल गीतमा शब्द तथा संगीत उत्तमजंग लिम्बुको रहेको छ भने ‘यो मिठो’ बोल गीतमा खेमराज गुरुङको शब्द तथा गायक सुसनकै संगीत रहेको छ । ‘बैशको बेला’ मा गीतमा सन्तोष मादेनको शब्द र विक्रम थापाको संगीत रहेको छ । एल्बमको एउटा गीतमा सुसनलार्य गायिका भुमा लिम्बुले साथ दिएकी छन् ।
कार्यक्रममा एल्वममको शीर्ष गीत ‘सोल्टिनी’ को म्युजिक भिडियो देखाइएको थियो । टेलिभिजन र युट्युबमा एकसाथ रिलिज गरिएको यस भिडियोलाई युगल पोमुले निर्देशन गरेका हुन् । मा नरेश भट्टराईको शब्द र हरि लम्सालको संगीत रहेको यस गीतको भिडियोमा पार्वती राई र धमेन्द्र आर्चाले अभिनय गरेका छन् । गीतअनुसार भिडियो निकै उत्कृष्ट बनेको छ । यस भिडियोलाई गायक रुकमान लिम्बूले आफ्नो रुबुशा क्रियटिभ वर्कस्को यु–ट्युब च्यानलमार्फत सार्वजनिक गरेको हो ।
https://www.youtube.com/watch?v=WZLpuD-ibEA
