Websoft University
यस आगोपाटी डटकममा कुनै सामाग्री प्रकाशन गर्नुपरेमा हामीलाई सम्पर्क गर्नुहोला । सम्पर्क नंम्बर ९८४२१४५०४५

जुवा तास नखेल्नुस मुद्धा चलाउँछु : प्रहरी प्रमुख भण्डारी


विराटनगर ३ कार्तिक ।  तिहारको समयमा जुवा वा तास  खेल्दै हुनुहुन्छ भने होस पुर्याउनु होस ।  अव मोरङ प्रहरीले जुवा र तास विरुद्धको अभियानै जिल्लामा चलाएको छ ।  कोही जुवाडे पक्राउ परे   जुवा ऐन अनुसार कार्वाही चलाएर  अदालत सम्म ठिङग्याने कार्य सुरु   छ ।  जुवा र तासलाई  प्रहरीले सामाजिक अपराधकोे रुपमा व्याख्या गरेको छ  ।
जुवाडे पक्राउ परे  सामान्य भनसुनको भरमा वा  प्रहरीले   सचेत गरेर पठाउने   चलन थियो । तर यस पटकदेखी  जुवाडेलाई प्रहरीले मुद्धानै  चलाउने गरेको छ ।  प्रहरी प्रमुख सन्दिप भण्डारीले  भने कसैको घरवास नजाओस भन्ने ध्येय राखेर हामीले  अभियान सुरु गरेको हौ  । प्रहरीको अभियानमा महिला तथा छर छिमेकहरुको सक्दो सहयोग रहेको उनले जानकारी दिए । प्रहरीको आफ्नै नेटवर्क  र महिलाहरुबाटै   सूचना प्राप्त भैरहेको  उनको कथन छ ।  हामीलाई  यही माध्यमबाट सूचना प्राप्त भैरहेको छ भण्डारीले भने यही सूचनाबाट हामीले १७ जनालाई पक्राउ गरि मुद्धा चलाईसक्यौ । जुवाडे पक्राउ परे कसैको भनसुन र राजनीतिक दवाव आफुले ठाडै अस्विकार गर्ने भण्डारीको स्पस्टोक्ती  छ । कसैले भनसुन गराउनु भन्दा पनि मलाई टेलिफोन गरेर जुवा खेलिरहेको सूचना  दिनुहोस भण्डारीले आग्रह गर्दै भने मेरो आफ्न्त पर्यो एक पटकलाई छोडिदिनुस भनेर नआउनुस । कसैको  नाता लगाएर भनसुन गर्न आए आफुलाई  त्यो स्विाकार्य हुदैन उनको जवाफ थियो  । जुवाडेलाई पक्राउ गर्ने अभियान एक सातादेखी नै प्रहरीले जिल्ला व्पापी बनाएको  हो । तीन स्थानमा छापामारी  १७ जना जुवाडे पक्राउ परिसकेका छन । पक्राउ पर्नेहरु सरकारी कर्मचारी र उच्च घरानाका छन । यसरी पक्राउ पर्नेमा  अशोक अटल , सन्तोष मारु , नन्दु राठी , किसन सन्थालिया र पवन राठी छन । विराटनगरमा रहेको अटलको घरमा पाँचै जनालाई पक्राउ गरिएको हो । संस्थागत जुवाडे आफुहरु नरहेको उनले प्रतिक्रृया दिए । साथी भाई भेला भएउ तासको म्यारिज खेलिरहेका थियौ दुई जना डिएसपी आएर हामीलाई पक्राउ गरे । अटलका अनुसार प्रहरीले मारुसाथमा रहेको १ लाख ९० हजार सहित २ लाख ४० हजार लगेको छ । पक्राउ परेका पाँचै जनालई प्रहरीले हिरासतमा राखी मुद्धा चलाएको र अदालतबाट जरिवाना पार्ई छुटेको अटलले बताए ।
यतीवेला जुवा ऐन अनुसार प्रहरीले सरकारी वकील मार्फत मुद्धा चलाउन थालेको छ ।  ठूलो वा सानो  प्रहरी कुनै पनि जुवालाई जुवाका रुपमा लिने गर्छ । प्रहरीको यो सक्रृयता पछि सर्वसाधारण्मा त्रास बढेको छ । त्यस्तै सडकमा डाईस खेलाउने क्रम पनि घटेको छ । जिल्लामा कडाई गरिएपछि जुवाडेहरु सिमापारिको जोगवनी बजारमा रहेको सागर रायका जुवा खेल्न जाने गरेका छन ।
यसैविच प्रहरीले नजिकिदै गएको तिहारलाई लक्षीत गरि पटकाजन्य पदार्थ भित्रन नदिन सिमा क्षेत्रहरुमा कडाई गरेको छ । जोगवनी , मटेरुवा , रंगेली जस्ता खुल्ला सिमानामा चेक जाँचमा कडाई गरेको छ । प्रहरीको सिमा क्षेत्रमा निगरानी बढाएकै कारण पटकाजन्य पदार्थ पक्राउ गरिरहेको भण्डारीले जानकारी दिए । यदी कसैले पटका पटाएर जनजिवनलाई त्रास पारे  कार्वाही गर्ने उनी उनले स्पस्ट पारे । विष्फोटक पदार्थ पटकाले अकालमा ज्यान जाने तथा अंग भंग हुन सक्ने अवस्थालाई ध्यानमा राखी प्रहरीले सिमा क्षेत्रबाट भित्रने पटकाजन्य बस्तुलाई कडाई गरेको उनको भनाई छ ।



Post a Comment

Advertisment

Advertisment

MKRdezign

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget