हेटौडामा मसीरको २ साता बिभिन्न खाले संगीतका पारखीहरु राष्ट्रिय कलाकारहरुसंग रमाए । मंसीर २ गतेबाट सुरु भई १५ गते सम्म १३ दिने लामो राष्ट्रिय खेलकुद तथा बृहत ब्यापार मेला २०७३ मा हरेक दिन साझ आयोजना हुने सास्कृतिक कार्यक्रममा हेटौडाका संगीत पारखीहरु स्थानीयसहित राष्ट्रिय स्तरका कलाकारहरुसंग रमाएका हुन । मेलाको अन्तिम दिने मसीर १५ गते आयोजना भएको समापन साझमा लोकप्रिय गायीका इन्दीरा जोशीसहित पछिल्लो समय निकै नै चर्चामा रहेको गीत नाइनलको सारीका गायक सुराच प्रसाई र पाश्व गायक चिरन्जीबी भण्डारी तथा रमेश मेलोडीसंग दर्शक करिब ३ घन्टा झुमेका हुन ।
मेला अवधिभर भरत सिटौला, धिरज राई , रोज मोत्तान, दमन रुपाखेती, ज्वती मगर लगायत २ दर्जन बढि राष्ट्रिय कलाकारहरुले प्रस्तुति दिएका थिए । गायीका इन्दीरा जोशीले उद्रेको चोलीसहित आधा दर्जन गीत गाएकी थिइन भने युवा पुस्ता माझ लोकप्रिय गायक प्रसाईले नाइनलको सारी, मायालाई , बन्छ नेपाल लगायत गीतबाट स्रोता दर्शकलाई भरपुर मनोरञ्जन दिएका थिए । आयोजक मध्येका एक सन्दीप महतले करिब २ साता लामो ब्यापार मेलामा हेटौडाबासीले दिएको साथ र सहयोगप्रति धन्यवाद दिए । यस्तै सहयोग र साथ पाए आगामी बर्षहरुमा मेलालाई अझ बृहत बनाउदै लैजाने पनि उनले बताए ।
मेलाबाट उढेको रकम मध्ये केही रकम भुकम्पमा परि निधन भएका हेटौडाका पत्रकार सुमन बम्जन प्रतिष्ठानलाई अन्तराष्ट्रिय स्तरको प्रतियोगिता आयोजनाका लागि सहयोग स्वरुप प्रदान गरिएको छ । मेलाको अन्तिम दिन कार्यक्रममा सहयोग पु¥र्याउने बिभिन्न संघसस्था, उत्कृष्ठ प्रतियोगिहरु तथा कलाकारहरुलाई सम्मान एवम् मायाको चिनो प्रदान गरिएको थियो ।
