Websoft University
यस आगोपाटी डटकममा कुनै सामाग्री प्रकाशन गर्नुपरेमा हामीलाई सम्पर्क गर्नुहोला । सम्पर्क नंम्बर ९८४२१४५०४५

भूटानी नेपाली साहित्यको प्रथम मुक्तक संग्रह "परिवेश रोएको बेला" विमोचनको तयारीमा !

    आगोपाटी समाचारदाता, अमेरिका                                      
भूटानी नेपाली आम सञ्चार,साहित्य,गीतसङ्गीत र समाजसेवामा अाधा दशक यता निकै सक्रियता दिदै आएका नेपाली भाषी भूटानी युवा प्रतिभा राकेश काफ्लेको "परिवेश रोएको बेला" मुक्तक सङ्ग्रह अब यही अागामी अप्रेल १६, २०१७बाट नेपाली साहित्यको बजारमा आउने भएको छ । २५० बढी मुक्तकहरू सङ्गृहित हुने उक्त संग्रहको अमेरिकाको आइअोवा राज्यको राजधानी तथा सुन्दर नगरी डिमोइनमा सम्पन्न हुने एक भव्य र सभ्य कार्यक्रममा  लोकार्पण हुने जानकारी प्राप्त भएको छ । नेपाली भाषी भूटानी युवा साहित्यकारहरुले रुबाई भन्दै प्रकाशन गर्दै आएका सबै कृति मुक्तक रहेको निस्कर्ष निकाल्दै काफ्लेले आफ्नो कृति मुक्तक संग्रह रहेको बताए ! देवी तिम्सिना प्रतिष्ठानले प्रकाशन गरेको "जोडेर सम्झना" सम्युक्त गजल एल्वम २०१४ र  नेपालको राजधानी काठमाण्डाै स्थित सिडिएमए म्युजिक क्रियसनले बजारमा ल्याएको  एकल गीत गजलको सङ्गालो "तुलसी मञ्जरी" २०१५ को अपार सफलता पछि अमेरिकाको आइअोवाबासी तथा चर्चित कार्यक्रम भूटानी ढुक-ढुकी निर्देशक राकेश काफ्लेले "परिवेश रोएको बोला" मुक्तक सङ्ग्रह बजारमा ल्याउन लागेको जनाएका छन् । कृतिकार राकेश काफ्लेले जनाउनु भए अनुसार "परिवेश रोएको बेला" नेपाली भाषी भूटानीहरूबाट लेखिएको प्रथम मुक्त सङ्ग्रह एकजना प्रातस्मरणीय भूटानी नेपाली व्यक्तित्व स्वर्गीय नेत्रप्रसाद अर्थात एनपी रेग्मीमाथि समर्पण गरिएको छ । स्वर्गीय एनपी रेग्मीले भूटानमा र शरणार्थी शिविरमा रहँदा नेपाली भाषी भूटानी बालबालिकाहरूलाई नेपाली भाषा र शिक्षामा अग्रसर गराउन अविष्मरणीय भूमिका निर्वाह गर्नु भएको नेपाली भाषी भूटानी अगुवाहरू बताउँछन् । "उक्त कृतिको बेचविखानबाट प्राप्त भएको पचासप्रतिसत रकम अमेरिकाको न्यू हयाम्पसायर राज्यमा दर्ता भएको देवी दिम्सिना प्रतिष्ठानलार्इ अनुदान गरिने छ", काफ्लेले आफ्नो योजनालार्इ प्रकाश पार्दै भन्नु भयो ।  १९९०को दशकदेखि नै नाटक लेखन, निर्देशन र संयोजनबाट भूटानी समाजमा राम्रो चर्चापरिचर्चा बटुलेका काफ्लेको नव कृतिको आवरण चित्र अष्ट्रेलियाका शुप्रसिद्ध चित्रकार नवल खतिवडाले बनाउनु भएको छ भने आवरण सज्जा अमेरिकाको बोष्टनका वरिष्ठ साहित्यकार सुरेश वाग्लेले तयार पार्नु भएको हो । मायाप्रेम, मिलनविछोड, श्रृंगारिकता, राष्ट्रियता, राजनीति, जीवादर्शन, धर्म-धार्मिकता, र  प्रकृति अादि विषयवस्तुलाई मेरूदण्डमा मुखारित गरेर लेखिएका काफ्लेका मुक्तकमा समकालिन नेपाली डायस्पोराका विभिन्न प्रवृत्ति, चरित्र, आरोहअवरोह, सरोकार, सवाल लगायतका मार्मिक विषयबस्तुहरू उठाइएको छ । उक्त प्रसङ्गमा कुरा गर्दै स्रष्टा काफ्लेले भन्नु भयो, "मैले विगत चारपाँच वर्षमा लेखेका ४०० जति मुक्तकहरू भूटानी माटोमा जन्मिएर डायस्पोरा स्तरको नेपाली साहित्यिमा उदयमान छबि नर्माण गरेका साहित्यकार पुरानाघरेलाई बडिमा ३०० छनोट गर्न र आवश्यक सम्पादन गर्न दिएको थिएँ । उहाँले २५५वटा छनोट गरी सम्पादन समेत गर्नु भएको छ । नेपाली साहित्यमा २० वर्षदेखि समान चर्चामा रहनु भएका वरिष्ठ साहित्यकार डा. देवी नेपालले यस कृतिका मुक्तकहरूको प्रवृति विश्लेषण गरी समसामियक टिप्पणी पनि गरिदिनु भएको छ ।  हामीसँग कुरा गर्दै यस कृतिका सम्पादक समेत रहेका भूटानी युवा साहित्यकार पुरानाघरेले भन्नु भयो, "नेपाली भाषी भूटानीहरूबाट मुक्त प्रकाशनमा अहिलेसम्म कसैले चासो देखाएको थिएन । राकेशजीको परिवेश रोएको बेला नेपाली भाषी भूटानीहरूबाट अाएको पहिलोमात्रै नभएर निकै छिप्पड मुक्तक कृति हो । यसले निश्चित पनि एेतिहासिताको गर्भधान गर्ने छ ।" उक्त मुक्तक संग्रह प्रकाशन गर्नका निम्ति अमेरिकामा रहनु भएका  विभिन्न व्यवसायिक व्यक्तित्व र प्रतिष्ठित बुद्धीजिवीहरूले गर्नु भएको छ भने यसलाई प्रकाशन अोहायोका सफल सुनचाँदी व्यवसायी उत्तम रसाइलीले गर्नु भएको छ । स्मरण रहोस, अन्तर्राष्ट्रिय भूटानी सिर्जनशील मञ्चले गतवर्ष प्रकाशन गरेको डायसपोराका नेपाली भाषी भूटानीहरूको प्रतिनिधी तथा एेतिहासिक गजल संग्रह दबाइएका आवाजहरूको प्रकाशनमा स्रष्टा राकेश काफ्लेले नेतृत्वदायी भूमिका निर्वाह गरेका थिए । कृतिका विषयमा प्रकाश पार्दै कृतिकार काफ्लेले आइअोवाबासी नेपाली भाषी भूटानी संघसंस्थाहरूको सहयोगको तारिफ गर्दै सम्पूर्ण सहयोगी र दाताहरूमा आभार व्यक्त गर्नु भयो ।

Post a Comment

Advertisment

Advertisment

MKRdezign

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget