Websoft University
यस आगोपाटी डटकममा कुनै सामाग्री प्रकाशन गर्नुपरेमा हामीलाई सम्पर्क गर्नुहोला । सम्पर्क नंम्बर ९८४२१४५०४५

गीतकार हरि उप्रेतीलाई सम्मान र अवार्डको उइरो !

 खुम्बु कोल्स्च ग्लोबल नेपाली फिल्म अवार्डको दोस्रो संस्करणमा बर्षकै उत्कृष्ट गीतकारको अवार्ड प्राप्त गरेपछि कलाकार सुनिल थापासंग गीतकार उप्रेती

हेम गिरी, कोलोराडो
अमेरिकाको ओहायो राज्यमा बसोबास गरिरहेका नेपाली भाषी भूटानी गीतकार हरि उप्रेतीको लागि यो वर्ष संगीतमय अनि सम्मान र अवार्डमय रहयो ! धेरै जनालाई अमेरिकामा रहेका नेपाली भाषी भूटानी गीतकार  भनेर चिनीएता पनि गीतकार उप्रेतीले जस्तो गरि सम्मान र अवार्ड प्राप्त गरेको खबर अहिलेसम्म प्रकाशन भएको छैन । गत महिना अमेरिकाको कोलोराडोमा आयोजना भएको चलचित्रकर्मीहरुको उत्कृष्ट अवार्ड समारोह खुम्बु कोल्स्च ग्लोबल नेपाली फिल्म अवार्डको दोस्रो संस्करणमाबर्षकै उत्कृष्ट गीतकारको अवार्ड प्रदान गरिएको थियो ।
गीतकार उप्रेती प्रस्तुतकर्ता भएका चलचित्र मुर्चुङ्गाको पोस्टर
वरिष्ठ  सिनेकर्मी र दर्शकको बाक्लो उपस्थिती माझ उप्रेती अवार्ड प्रदान गरिएको हो । उक्त समारोहमा नेपालबाट वरिष्ठ  सिनेकर्मी कृष्ण मल्ल, सुनिल थापा, भुवन केसि, टिका पाहाडी लगायतका दर्जनौ कलाकारको उपस्थिती थियो भने अन्य देशबाट पनि त्यतिकै रुपमा उपस्थित भएका थिए । अवार्ड प्राप्त गरे पश्चात यो क्षेत्रलाई अझै मज्बुत बनाएर अघि बढ्न आफुले सक्ने योगदान पुर्‍याउने कुरा उप्रेतीले बताएका थिए । उक्त अवार्डले आफुलाई थप जिम्मेवारी दिएको कुरा जानकारी गराउदै सम्पूर्ण खुम्बु कोल्स्च ग्लोबल नेपाली फिल्मका संस्थापक र आयोजकहाँरुलाई धन्यवाद समेत प्रदान गर्नुभएको छ ।

उप्रेतीले प्राप्त गरेका राष्ट्रिय सम्मान-पत्र
त्यसैगरि गीत संगीतबाट समाजमा योगदान गरेको भन्दै नेता. प्रभुनारायण चौधरीको आठौ स्मृति दिवसको अवसरमा राष्ट्रिय सम्मान पत्र प्रदान गरेको थियो ! उप्रेती यतिमा मात्र सिमित छैन । नेपालमा राष्ट्रिय सम्मान पाउन सानो कुरा होइन, हुन त सम्मान र अवार्ड पुन आफैमा सानो कुरा होइन तर राष्ट्रिय सम्मान विशेष सम्मान हो । उप्रेती अमेरिका रहे तर, उनको भान्जाले नेपालमा उनको सम्मान पत्र ग्रहण गरेका थिए । उनी गीतकार संघ नेपालका आजीवन सदस्य हुन् । उनले सो संघको सदस्यता प्रमाण पत्र पनि प्राप्त गरेका छन् । सामाजिक कार्यसंगै गीतसंगित मार्फत समाजलाई योगदान गर्दै आएका उप्रेतीको  जन्म भुटानमा भएता पनि सानै उमेरमा भाषा संस्कृतिकै कारण देश छोड्नु परेको थियो । आफ्नो भाषालाई जोगाउन उनीले नेपालमा शरणार्थी अवस्था देखिनै संघर्ष गरिरहे र अठार बर्ष पछि अमेरिकामा पुनर्वासका लागि नेपाल छोडेका उप्रेतिले भाषाका निम्ती लडिरहे । अमेरिकामा रहेर उनिले आफ्नो समाज र भाषा संस्कृतिका लागी निरन्तर आफ्ना आवज र कलामाहरु चलाईरहे । विगत एक बर्ष अगि उप्रेतिले एकल रचनामा करुणा नामक गीती एल्बम पनि प्रकाशन गरिसकेका छन् । त्यस पस्चात चलचित्र धनवान्, टिनेज्, मुर्चुङ्गा लगायत आधा दर्जन भन्दा बढी चलचित्रहरुमा गीत लेखेका छन । यस्तै कराण उप्रेतीको चर्चा अहिले जता त्यति चलिरहेको छ ।
उप्रेतीको गीतकार संघ नेपालका आजीवन सदस्य पत्र
उप्रेती नै गीतकार र प्रस्तुतकर्ता भएका नेपाली चलचित्र मुर्चुङ्गाको प्रदर्शन अगाडी नै चर्चा छ। यति भन्न सकिन्छ, अमेरिका रहेका नेपाली भाषी भूटानी गीतकारहरुमध्ये धेरै सम्मान र अवार्ड प्राप्त गर्ने गीतकार को हुन् भन्दा अरु कोहि नभई गीतकार हरि उप्रेतीको नाम आउछ !

Post a Comment

Advertisment

Advertisment

MKRdezign

Author Name

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget