हरि कोइराला
पथरी असोज २९ । झण्डै ४० जना पत्रकार र डेढसय बढी स्थानीयको उपस्थितिमा भएको पत्रकार सम्मेलनमा धेरै जसो सुक्सुकाउदै थिए । कोही भक्कानिरहेका थिए । कोही खासखुसमा थिए । मोरङको कानेपोखरी– ३ मा गत असोज ४ गते बिहान भएको आगोलागिमा परी मारिएका ४ जनाका आफन्तहरूले घटना भबितब्य नभएको दाबी गर्दै आइतवार आयोजनाको गरेको पत्रकार सम्मेलनको दृष्य हो यो । घटना भएको २५ दिनपछि घटनास्थल मै पत्रकार सम्मेलनको आयोजना गरी पीडित परिवारले आगलागी सुनियोजित भएको दाबी ग¥यो ।
स्थानीयले समेत रातको अढाई बजे थाहा पाउँदा घरको बरिपरि एकै पटक आगो लागेको बताएका छन् । विद्युत सर्ट हुँदा घर वरिपरि आगो नलाग्ने उनीहरूको भनाई छ । भित्र मारेर आगो नलगाएको भए आफ्नो भाई जसरी पनि उम्कन सक्ने राईले जिकीर गरे । कच्ची घरको बेरा एक लात्ती हान्दा भत्कन्छ , किन चन्द्रले बाहिर निस्कने प्रयास गरेन उनले पत्रकार सम्मेलनमा उपस्थित ४० बढी पत्रकार र डेढ सय जति स्थानीय वासिन्दालाई सोधे ।उनले भने,अब हामीले दिएको सूचनाका आधारमा घटनाको छानविन हुनपर्छ ।
घटनामा कसैको हात भएको हुन सक्ने बताए पनि राई परिवारले कसै माथि किटानी जाहेरी गरेको छैन । किटानी जाहेरी नगर्दा सम्म प्रहरीले आफ्नै गतिमा अनुसन्धान गर्ने बताएको छ ।
मृतक चन्द्र राईकी बहिनी इन्दिराले भने भिनाजु र दिदी बीच ३ वर्ष देखि बोलचाल बन्द भएको बताइन । भिनाजु रामबहादुर कि पत्नी विष्णु राइको पनि आमालाई भेट्न आएकै दिन राति सोही घटनामा परी मृत्यु भएको थियो । प्रहरीले दिदी विष्णुसँग भनाभन हुने एक महिला ,घरमा बरिपरि रड लगाएर घेरेको विवरण दिने एक ब्यक्ति र उनका साथी तथा विष्णुका भिनाजु रामबहादुर तामाङ सँग बयान लिए पनि थप केही बताउनु चाहेको छैन ।
आगलागीमा परी चन्द्रबहादुर राईसँगै उनकी आमा गंगामाया, पत्नी पार्वता र बहिनी विष्णुकुमारीको मृत्यु भएको थियो ।
