पथरी÷मोरङको पथरीशनिश्चरे ४ का वडाध्यक्ष गोविन्द बहादुर भण्डारीलाई आफ्नै पार्टीका कार्यकर्ताले आइतबार भकुरेका छन् ।
उपचारका लागि पथरी अस्पताल भर्ना भएका वडाध्यक्ष भण्डारीले वीरबहादुर कार्की र विक्रम लिम्बूले आक्रमण गरेको बताए । उनको घुँडा मुनि चोट लागेको छ । स्थानीयका अनुसार भण्डारी चढ्ने स्कुटर पनि तोडफोड भएको छ । शनिबार एमाओवादीका सय बढी कार्यकर्ता कांग्रेस प्रवेश गरेका थिए । आफ्ना कार्यकर्तालाई कांग्रेस प्रवेशका लागि उक्साएको आरोप खेप्दै आएका भण्डारीले उक्त आरोपको खण्डन समेत गरेका छन् । उनले भनेका छन्–मलाई मार्ने षडयन्त्र भएको रहेछ ।
